Ministria e Brendshme sot pranoi një raport për rastin me festimin e ditëlindjes së liderit të BDI-së, Ali Ahmeti dje në ambientet e reja të Ministrisë së Sistemit Politik, ku anëtarët e partisë nuk kishin maska mbrojtëse, për të cilë tashmë po procedohet dhe për të cilën është njoftuar prokurori publik. Duke ndjekur udhëzimet e marra, Ministria e Brendshme po merr masa dhe aktivitete për zbardhjen e rastit.
Sipas kompetencave të tyre, thonë nga Ministria e Brendshme, Inspektorati Shtetëror i Punës tashmë ka njoftuar inspektim të jashtëzakonshëm në lidhje me respektimin e masave, rekomandimeve dhe vendimeve të Qeverisë së Republikës së Maqedonisë së Veriut për të mbrojtur nga përhapja e infeksionit të coronavirusit tek punonjësit e këtij institucioni.
“Ministria e Brendshme, në përputhje me kompetencat e saj, vepron sipas një raporti të marrë sot, në lidhje me të cilin është njoftuar Prokurori Publik dhe duke ndjekur udhëzimet e marra prej tij, në përputhje me Vendimin për ndryshimin e Vendimit për rekomandimet parandaluese, masa të përkohshme, masa të porositura, protokolle të synuara, plane dhe algoritme për veprim për mbrojtjen e shëndetit të banorëve nga sëmundja infektive COVID-19 shkaktuar nga virusi SARS COV 2, rastet dhe periudha e zbatimit të tyre (“Gazeta Zyrtare e RMV”, nr. 298, datë 16.12.2020), ndërmerr masa dhe aktivitete për sqarimin e plotë të rastit, të cilat do të pasohen nga parashtresat përkatëse”, tha për AIM shefja e Departamentit për informim publik në Ministrinë e Brendshme Suzana Pranjic Talevska./Telegrafi/
