Mozzik është një nga reperët më të njohur dhe më të suksesshëm shqiptar.
Reperi nga Ferizaj mbetet aktiv me projekte të reja dhe koncertet të shumta, dhe nuk planifikon të ndalet.
Kjo sepse, së fundi Mozzik ka paralajmëruar se është në përgatitje të albumit të ri, i cili do të jetë solo.
Ndërsa, në një postim që ka bërë sot (e martë), reperi ka zbuluar se kënga e parë e këtij albumi do të publikohet gjatë këtij muaji.
“Këtë muaj del kënga e parë e albumit me videoklip. Nuk du me zgjatë shumë! Kan me u thy krejt rekordet e rekordet e rekordeve”, ka shkruar Mozzik në një InstaStory.
Ndërkohë, Mozzik aktualisht po e shijon suksesin e albumit që solli në bashkëpunim me ish-partneren e tij, Loredana “No rich parents”.
Dyshja janë prindër të një vajze, Hana, dhe pak kohë më parë i dhanë fund lidhjes disa vjeçare. /Telegrafi/