Për largimin e Getinjos nga Big Brother VIP Kosova ka reaguar edhe vëllai i tij, reperi Mozzik.
Ky i fundit ka shpërndarë një fotografi në rrjete sociale, me anë të së cilës thotë se është shumë krenar për të.
“Krenar me ty…ama shumë shumë krenar”, kanë qenë fjalët e 27-vjeçarit.
Geti mori vendimin për t’u larguar nga shtëpia e famshme e Kosovës, pasi theksoi se qëllimi i tij nuk ishte të qëndronte deri në fund të këtij reality show.
Ai mes tjerash tha se nuk hyri në Big Brother për të fituar çmimin e madh prej 200 mijë eurosh.
Largimi i papritur i Getinjos ka shqetësuar edhe banorët, të cilët janë parë shumë të mërzitur.
Stresi dhe Vivien kanë qenë dy nga banorët që u panë vazhdimisht duke qarë, duke mos e pranuar largimin e tij. /Telegrafi/
