Reperi i njohur shqiptar, Mozzik, këtë verë ka shijuar suksese të shumta me këngët e albumit të tij më të ri, “Mozzart”.
Me gjithë pamundësinë për të mbajtur koncerte shkaku i pandemisë COVID-19, reperi u tregua i afërt me fansat duke i vizituar ata nëpër qytete, deri në momentin që Policia e Kosovës ndërpreu aksionin e tij.
Mozzik përndryshe vazhdon të jetë shumë aktiv dhe i ndjekur në rrjetet sociale.
Vetëm në rrjetin social Instagram, reperi nga Ferizaj ndiqet nga mbi 1.5 milion persona.
Në vazhdën e postimeve të zakonshme nga jeta e përditshme, 24-vjeçari publikoi së fundmi për fansat një tjetër fotografi, ku shfaqej duke pozuar me telefon në dorë me veturën e tipit “Mercedes” në prapavijë.
“Paraja është gjuha ime”, shkroi ai në mbishkrimin e kësaj fotografie, duke iu referuar kështu jetën luksoze që bën.
Pak javë më parë, Mozzik ka vizituar të rinjtë e Shërbimit Korrektues, ku u ka shpërndarë atyre albumin e tij më të ri dhuratë. /Telegrafi/
