Më 1 shkurt do të lansohet kënga më e re e Mozzik. Kështu ka bërë të ditur vet reperi nga Ferizaj.
Ai e ka publikuar një video në Instagram për t’i njoftuar fansat e tij lidhur me projektin e ri muzikor.
Përmes një xhirimi të shkurtër, Gramoz Aliu ka treguar se kënga do të titullohet “Romeo&Juliet”, ndërsa mund të jetë një tjetër duet me partneren e tij, Loredana Zefi.
“Bonnie & Clyde” është bashkëpunimi ndërmjet dyshes që u lansua në shtator të vitit të kaluar dhe numëron mbi 35 milionë shikime në YouTube.
Çifti i popullarizuar shqiptar u bënë prindër të një vajze në muajin dhjetor, ndërsa vetëm disa ditë më pas nisën turneun e tyre të koncerteve.
Po në muajin dhjetor, Mozzik e lansoi edhe projektin e tij më të fundit kushtuar nënës dhe familjes, “Nana”.
Videoja muzikore u publikua në YouTube më 15 dhjetor dhe deri më tani numëron mbi gjashtë milionë shikime. /Telegrafi/
