Rep-artisti me prejardhje nga Ferizaji, Mozzik, është njëra ndër më të komentuarit ndonjëherë.
Ai përmes rrjeteve sociale i ofron mundësinë ndjekësve të tij të shohin më afër përshtatshmërinë e tij, përfshirë edhe projektet muzikore.
Së fundmi, postimi i tij i fundit nuk ka të bëjë me asnjërën nga lartcekurat, por me mbrojtjen nga pandemia coronavirus.
Duke përdorur rrjetin social Instagram, Mozzik ka publikuar një video ndërsa shihet duke vendosur maskën, teksa ka shpërndarë një mesazh sensibilizues.
“Ka virus. COVID-19 e kemi kudo, ju lutem të gjithëve të mbani maskat. Rrespektoni rregullat. Edhe njëherë, ka virus”, ka shkruar ai në përshkrim.
Ndërkaq, ai ka paralajmëruar edhe këngën e dytë të albumit “MozzArt”, që do të publikohet me datën 17 korrik. /Telegrafi/