Në vazhdën e projekteve të reja muzikore, Mozzik e ka publikuar projektin e ri muzikor, të cilin e ka kompletuar me videoklip.
“Auf Wiedersehen” është titulli i këngës më të re, e cila vjen e interpretuar në gjermanisht dhe shqip.
Tekstin e ka shkruar Gramoz Aliu (emri i vërtetë i reperit), ndërsa producenti Rzon është kujdesur për muzikën.
Për anën vizuale është kujdesur produksioni Sekuence Studio që e ka xhiruar videon muzikore të kësaj kënge.
“Auf Wiedersehen” pritet të jetë hiti i radhës nga Mozzik, duke qenë se vetëm disa orë pas publikimit ka arritur thuajse një milion shikime në YouTube. /Telegrafi/
