Ashtu edhe siç ishte paralajmëruar, bashkëpunimi i ri mes reperëve Mozzik dhe Dardan, tashmë është i gatshëm për publikun.
Dyshja kanë publikuar këngën e tyre më të re, të titulluar “A milly”.
Kënga i është besuar producentëve Chryzizbeats dhe Semibeatz, gjersa për vargjet e tekstit janë kujdesur vet reperët.
Projekti është vizualizuar edhe me klip, në të cilin Mozzik dhe Dardan vijnë me një performancë mjaft interesante.
Mozzik përndryshe vazhdon të jetë aktiv me këngë të shumta, gjersa nuk mungon edhe nëpër koncerte e mbrëmje të shumta muzikore.
Reperi nga Ferizaj ka qenë shumë i përfolur muajin e fundit, kjo pasi partnerja e tij, Loredana Zefi, po përballet me akuza për zhvatje të parave nga një çift zviceran.
Lidhur me këtë temë, Mozzik u detyrua që bashkë me Loredanën të marrin rrugën për në Kosovë, për të sqaruar gjithçka rreth kësaj situate në një konferencë për media të mbajtur më 10 maj. /Telegrafi/
