Reperi nga Ferizaji, Mozzik, është i pëlqyer dhe ndjekur nga mijëra fansa në rrjetet sociale.
Duket se të ardhurat e mira nga muzika ia mundësojnë atij që të bëjë një jetë mjaft të mirë dhe natyrisht se të shtrenjtë.
Këtë e ka dëshmuar edhe njëherë me blerjen e një veture luksoze, që ai ia ka shtuar së fundmi koleksionit të tij. Besohet se është fjala për automjetin e tipit ‘Mercedes-AMG S 63 4MATIC+ Coupe’, çmimi i së cilës sillet rreth 170.000 dollarë (150.000 euro).
“Mirë se vjen në shtëpi”, ka shkruar ai, teksa e ka prezantuar veturën në rrjetet sociale.
Sa u përket projekteve muzikore, “A Milly” mbetet kënga e fundit e publikuar nga ai në bashkëpunim me Dardanin.
Mozzik gjithashtu, së shpejti do t’i sjellë tri këngë të reja në kuadër të albumit të tij që pritet të lansohet në muajin shtator. /Telegrafi/