Trajneri i Manchester Unitedit, Jose Mourinho, ka thënë se Maurizio Sarri do të ketë sukses te Chelsea, pasi sipas tij italiani ka gjitha kushtet për të bërë punë të mirë.
Sarri dhe Mourinho do të ndeshen mes vete për herë të parë si trajnerë në Ligën Premier këtë sezon.
Trajneri portugez beson se ish-trajneri i Napolit do t’i përshtatet skuadrës londineze dhe sipas tij do të ketë sukses me Chelsean.
“Unë nuk e njoh atë”, ka thënë fillimisht Mourinho për beIN Sports.
“Kur isha në Itali nga 2008-10, ai nuk ishte në Serie A”.
“Kurrë nuk e takova dhe as nuk luajta kundër tij. Thjesht ndjek futbollin dhe kohëve të fundit punën e mirë që bëri me Napoli”.
“Në Angli, të gjithë menaxherët e mirë kanë dëshirën për të ardhur. Është një garë e çmendur me një nivel të lartë kështu që mendoj që çdo menaxher ka ëndërr që të vijë kështu që ai të ketë mundësinë të vijë”.
“Ai ka një ekip fantastik, lojtarë fantastik dhe skuadër fantastike – mendoj se ai ka kushte për të bërë punë të mirë”, përfundoi portugezi. /Telegrafi/