Zlatan Ibrahimovic është rreshtuar si një dëshirë për tu rikthyer te Manchester Unitedi.
Suedezi problematik u largua nga Old Trafford në muajin mars, pasi ai u lidh me skuadrën nga Mayor League Soccer (MLS), e LA Galaxy.
Ai është duke treguar formë të lartë te klubi nga MLS, pasi në 25 paraqitje ka shënuar 21 gola dhe ka bërë 8 asistime.
Forma e mirë dhe vazhdimësia e Ibrahimovicit ka bërë që të mendohet një rikthim i tij në Evropë.
Sipas mediumit ESPN, trajneri i Unitedit, Jose Mourinho, po planifikon një lëvizje sensacionale për ta rikthyer Ibrahimovicin në Old Trafford.
Ky medium thekson se suedezi mund të kthehet në Angli për një marrëveshje afatshkurtër, pasi MLS-ja edhe disa javë përfundon garat.
Mourinho po përpiqet të rindërtojë shkëndijën sulmuese të Djajve të Kuq dhe 37-vjeçari njihet ideali pasi e njeh mirë ambientin.
Ibrahimovic në të kaluarën ka luajtur 53 ndeshje në të gjitha garat dhe ka shënuar 29 gola, duke fituar edhe disa trofe të rëndësishëm. /Telegrafi/