Familja e Dua Lipës është e pasur me talent. Përveç këngëtares që është ndër yjet më të mëdha të muzikës, aktualisht është duke shkëlqyer edhe motra e saj.
Ylli botëror ka një motrën 21 vjeçare Rina dhe vëllanë 16 vjeçar Gjin. Motra e saj tashmë ka nisur një karrierë si modele.
Ajo duket të ketë një të ardhme të ndritshme para vetes. Në të kaluarën, atë e kemi njohur përmes postimeve të Duas në rrjetet sociale, por tashmë ajo po e ndërton emrin e saj.
Si njihet Rina Lipa
Rina Lipa është një valltare, modele dhe yll i rrjeteve sociale. Ajo i bëri hapat e parë të modelingut në Javën e Modës në Milano në koleksionin vjeshtor 2021 të GCDS.
Që atëherë, 21-vjeçarja ka vazhduar të ngritet duke u shfaqur në fushatat e Miu Miu, si edhe në fushatat tjera reklamuese, shkruan Marca.
Motra e Duas tashmë ndiqet nga afro një milion fansa në Instagram. Gjatë gjithë kohës është vlerësuar për aftësitë e saj që të tentojë të bëhet e suksesshme në fusha të ndryshme.
Janë akoma fillimet e saj, por duket se Rina ka një karrierë të shkëlqyer para vetes në cilëndo fushë që zgjedh ta ndjekë.
Njëherësh, ajo ka fituar një rol në një film horror me regji të filmbërësit italian, Gianluigi Carella. /Telegrafi/