Kalimtarët e rastit u nervozuan shumë kur një motoçiklist dëmtoi pesë vetura të shtrenjta të parkuara në Saint Ives, sa që në një moment vendosen t’i kundërvihen dhe ta “mbushin mend”.
Ky moment është filmuar me telefon të mençur nga turma e nervozuar me veprimin e motoçiklistit, i cili përpos që kishte shkaktuar dëme, kishte tentuar të zhduket nga vendi i ngjarjes pa lënë gjurmë, transmeton Telegrafi.
Megjithatë, ai nuk kaloi lehtë, pasi ata e rrëzuan nga motoçikleta duke i treguar se duhet të sillet mirë dhe të kërkoj falje për çdo veprim.
Dhe në momentin që tentonte të ngritej në këmbë dhe të zhdukej nga vendi i ngjarjes ata reagonin njëjtë – duke e përplasur në tokë.
Ai pretendonte se ishte i pastrehë dhe se nuk ka sigurim që të mbuloj dëmet që i kishte shkaktuar, por banorët ishin të vendosur që ta ndalin.
Megjithatë, ai në fund arriti të zhduket nga vendi i ngjarjes, duke i ikur përgjegjësive që i kishte ndaj pronarëve të veturave të shkatërruara. /Telegrafi/
