Mbi vendin tonë sot do të mbajë mot i ftohtë, kryesisht i vranët, me ngrica dhe vende–vende me reshje të dobëta bore.
Sipas Institutit Hidrometeorologjik të Kosovës temperaturat minimale parashihen të jenë më të ulëta në jug dhe jugperëndim të vendit për shkak të sasisë së madhe të reshjeve në krahasim me vendet tjera. Temperaturat minimale parashihen të lëvizin ndërmjet -6 deri -10 gradë Celsius, ndërsa maksimalet e ditës parashihen të lëvizin ndërmjet -4 deri -2 gradë Celsius.
Do të fryjë erë nga veriu dhe verilindja me shpejtësi 1-8m/s./ Telegrafi/