Instituti Hidrometeorologjik bën të ditur se në fundjavë në Kosovë do të mbajë mot i vranët dhe herë pas here do të ketë riga shiu.
IHK njofton se të shtunën temperatura minimale do të lëvizin ndërmjet 1-3 gradë Celsius, ndërsa maksimalet e ditës parashihen të lëvizin ndërmjet 8-11 gradë Celsius.
Do të fryjë erë kryesisht nga juglindja me shpejtësi 1-5m/s.
Ndërkaq, për të dielën është parashikuar të mbajë mot kryesisht i vranët dhe me ulje të temperaturave maksimale.
Temperaturat minimale do të lëvizin ndërmjet 1-3 gradë Celsius, ndërsa maksimalet e ditës parashihen të lëvizin ndërmjet 3-6 gradë Celsius.
Do të fryjë erë kryesisht nga verilindja me shpejtësi 1-7m/s.
Sipas kalendarit meteorologjik sot fillon stina e pranverës meteorologjike, e cila do të zgjasë deri me 31 maj. /Telegrafi/