Një mot i ligë ka goditur pjesën jugore të Greqisë, ku të reshurat e mëdha të shiut dhe breshëri kanë bërë që Kreta dhe në përgjithësi pjesa jugore të “paralizohen”.
Rrugët janë mbuluar me akull sikur të ishte janari, e në këtë qytet përveç se janë shkatërruar ullishtat dhe pemët e shumta, mediat lokale raportojnë se edhe shumë zogj e kanë pësuar, transmeton Telegrafi.
Në Nea Alikarnasos të Kretës, shumë vetura janë mbuluar me ujë ku nga të reshurat e shiut ka arritur në 80 centimetra thellësi.
Në rajonin Hanje ka pasur rrëshqitje dheu e banorët e Rodosit, Santorinit dhe Naksosit kanë mbetur pa energji elektrike për disa orë. /Telegrafi/
