“Mos u futni në kurthin që ua ka vendosur Hamasi” – ushtria izraelite thotë se “është zemërgjerë” me palestinezët

Jonathan Concrius, zëdhënësi i forcave të armatosura të Izraelit (IDF), ka deklaruar se Izraeli do të fillojë “operacione të rëndësishme ushtarake” në Rripin e Gazës vetëm kur civilët të largohen nga ajo zonë.

“Është shumë e rëndësishme që njerëzit në Rripin e Gazës, të dinë se jemi shumë zemërgjerë kur bëhet fjalë për kohën. Kemi dhënë paralajmërimin – mbi 25 orë më parë. Nuk mund të them më shumë se kaq”, tha Concrius për CNN.

Ai porositi palestinezët që “të marrin gjësendet e tyre dhe të nisen drejt jugut”, transmeton Telegrafi.

Lexo po ashtu Izraelitët parandalojnë futjen e militantëve të Hamasit në Izrael përmes detit, ua shkatërrojnë anijen – publikohen pamjet

“Ruani jetët tuaja dhe mos u futni në grackën që ua ka përgatitur Hamasi”, shtoi zëdhënësi i ushtrisë izraelite.

CNN raporton se gjysma e 2.2 milionë banorë në Rripin e Gazës jetojnë në pjesën që Izraeli u kërkoi të evakuohen.

Madje thuhet se dhjetëra mijëra palestinezë kanë shkuar në jug para paralajmërimit të parë të izraelitëve. /Telegrafi/