Marco van Ginkel që luan te PSV, por është ende nën kontratë me Chelsean, është kthyer të luajë futboll pas 983 ditëve për shkak të një dëmtimi të tmerrshëm.
Mesfushori i Bluve, tani 28 vjeç, u fut në lojë nga bankina në minutën e 86-të për PSV Eindhoven kundër AZ Alkmaar të mërkurën – për t’i dhënë fund pritjes prej më shumë se dy vjet e gjysmë, shkaku i një të dëmtimi të gjurit.
Holandezi u pa për herë të fundit në një fushë futbolli në maj 2018.
Van Ginkel ka probleme në gju për më shumë se një dekadë, pasi i kishte ndodhur edhe te Chelsea dhe Vitesse.
Lojtari ka pasur huazime në AC Milan dhe Stoke, ndërsa te PSV është që nga vitit 2016.
Pandemia e coronavirusit ndërpreu përpjekjet e kthimit të Van Ginkel, por ai u kthye të stërvitej në prill 2020.
Blutë i qëndruan besnikë lojtarit të tyre duke i dhënë atij një marrëveshje të re një vjeçare në qershor edhe pse ka vetëm katër paraqitjeve në shtatë vjet me këtë klub.
Ai u kthye në PSV si huazim për sezonin 2020-21 në tetor, por ndërlikimet e mëtejshme në shërimin e tij kanë vonuar kthimin e tij në aksion.
Chelsea e përgëzoi lojtarin e tyre për kthimin në fushë. “Marco van Ginkel luajti për PSV sonte, ndeshjen e tij të parë pas 32 muajve pushim për një lëndim të gjatë”.
“Urime dhe mirëserdhe, Marco!”, ka shkruar klubi anglez.
Marco van Ginkel played for PSV tonight, his first match for 32 months following a lengthy injury lay-off.
Congratulations and welcome back, Marco! ? pic.twitter.com/IY8jrzZ6pP
— Chelsea FC (@ChelseaFC) January 13, 2021
Pas ndeshjes së tij të kthimit, ku PSV e humbi 3-1, Van Ginkel ka folur për media për kthimin e tij.
“Personalisht, ky është një moment i madh . Unë kam punuar shumë për këtë dhe u desh shumë kohë”.
Van Ginkel tha se nuk e ka menduar kurrë largimin nga futbolli dhe ka punuar shumë për këtë moment. /Telegrafi/