Artistët e njohur shqiptarë, Morena Taraku dhe Stresi, tash e disa ditë kanë qenë duke punuar në projektin e ri muzikor.
“Bad Gal” mban titullin kënga e dyshes, të cilën siç duket e kanë kompletuar edhe nga ana vizuale.
Ditën e sotme (e enjte) është vet reperi, ai i cili ka ndarë me ndjekësit datën e saktë të lansimit të këtij projekti.
Përmes një video të hedhur në InstaStory, Arkimed Lushaj (emri i vërtetë) zbulon se kënga e tyre e përbashkët do të prezantohet më 12 shtator (e shtunë).
“Me datën 12 shtator – premierë Bad Girl në bashkëpunim me Morena Tarakun”, ka thënë ai.
Të njëjtit në vazhdimësi kanë ndarë pamje nga xhirimet e videoklipit të ri, duke u treguar fansave se çfarë mban në tërësi kjo këngë.
Ky njëherësh është bashkëpunimi i dytë i Morenës dhe Stresit, pas “Ki me bo” që e sollën në vitin 2015. /Telegrafi/
