Morena Taraku është përfshirë në frymën patriotike, ndërkohë që është vënë në ndihmë të të mbijetuarve nga tërmetet në Shqipëri.
Publikimin e fotografisë, modelja dhe këngëtarja nga Kosova e ka shoqëruar me hashtagun ‘#prayforalbania’.
Bukuroshja është angazhuar për t’i ndihmuar të prekurit nga tërmetet në Shqipëri. Pasi dhuroi 1.000 euro në fondin online të hapur në internet, ajo i ka nisur disa tenda për Shqipëri, si edhe pelena për fëmijë.
Ajo po ashtu ka bërë të ditur se këto ndihma po arrin t’i dërgojë përmes iniciativave në bashkëpunim me kolegët dhe disa vullnetarë të tjerë.
Aktiviteti i saj bamirës nuk ndalet këtu, pasi Morena ka marrë përsipër të ndihmojë edhe operimin e një djali të vogël, i cili do t’i nënshtrohet ndërhyrjes kirurgjike në sy, ndërsa familja e tij nuk arrin ta mbulojë operacionin. /Telegrafi/
