Ka tash e një muaj që kanë nisur përgatitjet për një projekt të ri muzikor.
Fjala është për këngëtaren Morena Taraku dhe reperin Stresi, të cilët thuajse kanë finalizuar projektin e tyre të përbashkët.
Artistja nga Peja së fundmi ka njoftuar fansat për premierën e këngës, e cila do jetë këtë të enjte (24 shtator) në orën 20:00.
Ajo njëherësh ka ndarë edhe një pjesë të klipit, ku përfshihen paratë, makinat dhe jeta luksoze.
“Të enjten ora 20:00, Bad Girl nga Morena dhe Stresi”, ka shkruar bukuroshja nga Peja.
Ndërkaq, 26 vjeçarja po ashtu inkurajon fansat të ndjekin kanalin e saj të ri në platformën YouTube.
Ky projekt i dyshes mezi po pritet edhe nga ndjekësit, të cilët bënë reagime të ndryshme në hapësirën për komente në Instagram.
Theksojmë që ky është bashkëpunimi i dytë i Morenës dhe Stresit, pas “Ki me bo”që e sollën në vitin 2015. /Telegrafi/
