Prezantimi i Kylian Mbappes te Real Madridi ka përputhur numrin e tifozëve të pranishëm me atë të Cristiano Ronaldos në vitin 2009.
Sulmuesi 25-vjeçar iu bashkua Los Blancos në fillim të qershorit 2024 pasi u lidh me një kalim te gjiganti spanjoll për disa vite me radhë.
Prezantimi i Mbappes në Real Madrid u ndoq nga 80 mijë tifozë, që është i njëjtë me atë të Cristiano Ronaldos, i cili iu bashkua gjigantëve të La Ligës për një rekord të atëhershëm botëror 95 milionë euro.
Mbappe arrin në Santiago Bernabeu pas një periudhe gjashtëvjeçare te Paris Saint-Germain, ku ai luajti edhe për një sezon si huazim nga Monaco në 2017-18.
Francezi është golashënuesi më i mirë i të gjitha kohërave të klubit të Ligue 1 me 256 gola, dhe në sezonin e tij të fundit atje ai fitoi titullin e ligës, Kupën e Francës dhe Superkupën e Francës.
Gjatë prezantimit të tij në Real Madrid, Kylian Mbappe tha:”Ëndrra ime tjetër tani është të jem në nivelin e klubit më të mirë në botë. Unë do t’i jap jetën time këtij klubi”.
“Nuk do të flas më shumë se do të qaj (qesh)”, shtoi ylli më tej.
Në shtatë vjet në klubin francez, Kylian Mbappe fitoi 17 trofe, duke përfshirë gjashtë tituj të Ligue 1. /Telegrafi/