Jose Mourinhos ka qenë fjalia kryesore në ditët e fundit pas ndeshjes Juventus – Manchester, që u fituan nga anglezët me rezultat 2-1.
Ai festoi pas ndeshjes duke iu hakmarrë sharjeve të tifozëve bardhezi, që e fyen thuajse gjatë gjithë përballjes.
Ish-presidenti i Interit, Massimo Moratti, ka folur për gjestin e portugezit, duke i dalë në mbrojtje.
“Është pjesë e karakterit të tij. Kur kthehet në Itali, gjen të gjithë ndjenjën, përvojën dhe pasionin e një jete, që e bën të reagojë sikur të ishte ende këtu, duke menduar për klubin ku ishte dhe të tjerët që ishin antagonistë”.
“Kjo e vë atë në një pozitë që të bëjë disa gjeste në kohëra të caktuara, të cilat krijojnë situata të diskutimit, që në futboll, janë argëtuese dhe interesante për t’i parë”.
“Nuk duhet të ofendojë askënd. A jam i habitur kur thotë ‘Interi im’? Jo. Pikërisht për këtë arsye ai reagon ashtu”.
“Interi në Ligën e Kampionëve? Ata kanë karakter dhe thellësi. Zhang si President? Ai është një djalë i mirë dhe do të bëjë shumë mirë”, ka thënë Moratti. /Telegrafi/