Sulmuesi spanjoll ka folur rreth dallimeve mes ish-trajnerit të tij Zinedine Zidane dhe trajnerit aktual, Antonio Conte.
Morata ka pasur fatin të punoj me disa nga trajnerët më të mirë në botë, te Real Madridi, Juventusi dhe tani tek Chelsea.
Por, i pyetur për një krahasim rreth trajnerit të Realit, Zinedine Zidane dhe atij të Chelseat, Antonio Conte, Morata pranon se nuk mund t’i ndajë ata.
Sipas sulmuesit spanjoll, edhe trajneri francez edhe ai italian janë fitues të lindur.
“Dallimi midis Contes dhe Zidanes nuk është shumë i madh”, ka thënë fillimisht Morata.
“Conte është shumë i pasionuar, ai është fitues. Ajo që shihni është ajo që ju merrni”.
“Zidane është një fitues dhe ai e bën atë rrugën e tij”, përfundoi sulmuesi spanjoll.
Ndryshe, Morata u transferu gjatë verës te Blutë shkaku i mungesës së minutave të merituar te Reali. /Telegrafi/