Young Zerka ka publikuar projektin e ri muzikor.
“Money” mban titullin kënga e re e tij, të cilën e solli në bashkëpunim me artistin Eri Dee, ndërsa vjen e kompletuar edhe nga ana vizuale.
Klipi është mjaft atraktiv dhe veror dhe në këtë video Zerka shfaqet në disa skena mjaft të ‘nxehta’ me një biondinë, e cila është spekuluar si e dashura e artistit shqiptar.
Tekstin dhe melodinë e ka bërë vet Zerka në bashkëpunim me Alandy, kurse për muzikën është përkujdesur Eri Dee.
Ky videoklip i veçantë i është besuar produksionit “Pro Video”.
Projekti pason pas atij me Anila Mimanin “Nesër”, i lansuar në muajin qershor dhe deri më tani në platformën YouTube ka grumbulluar mbi 2.3 milionë klikime.
Ndryshe, Young Zerka është pjesë e estradës tash e shumë vite, projektet e të cilit janë tejet unike, përfshirë edhe bashkëpunimet me emra të njohur të skenës tonë. /Telegrafi/