Familjarët e një ushtari që shërbeu në Luftën e Parë Botërore mbetën të befasuar, kur e gjetën monedhën që ia kishte shpëtuar jetën para 100 vitesh, kur një plumb e goditi në gjoks.
John Trickett nga Derbyshire e Anglisë, e mbante monedhën në xhep për ta rikujtuar vendlindjen, derisa po luftonte për Frontin Perëndimor, transmeton Telegrafi.
Kjo bëri që ai të mbetej gjallë, kur në drejtim të tij forcat gjermane sulmuan me artileri. Megjithëse plumbi bëri rikoshe dhe e qëlloi në vesh duke e lënë të shurdhër për tërë jetën, ai mbeti gjallë.
Ushtari është kthyer në shtëpi me monedhën e deformuar, që do ta mbante për të treguar se si ia shpëtoi jetën. Për një kohë shumë të gjatë, familjarët nuk e dinin se ku ndodhej monedha e vogël, për të cilën e kishin dëgjuar historinë.
Së fundmi, mbesa saj e ka gjetur rastësisht dhe planifikon ta shes në ankand, për të ndarë më pas të hollat bashkë me familjarët tjerë.
“Është vetëm një pare e vogël, por treguesi më i mirë i vijës së hollë mes jetës dhe vdekjes” ka thënë një ekspert, njohës i objekteve të luftë.
Raportohet se Trickett kishte gënjyer për moshë, vetëm që t’ju bashkëngjitej vëllezërve të tij, që ishin rekrutuar. /Telegrafi/
