Momenti tronditës kur Richarlison humbi vetëdijen pas goditjes në kokë nga Eric Bailly

Richarlison ka përjetuar një moment të tmerrshëm në ndeshjen ndërmjet Evertonit dhe Manchester Unitedit në Carabao Cup.

Djajtë e Kuq fituan me dy gola të vonshëm dhe siguruan kualifikimin në gjysmëfinale, mirëpo takimi u shoqërua me incidente të shumta.

Një prej tyre ishte përplasje e futbollistit brazilian me Bruno Fernandes dhe pastaj goditja e frikshme që pësoi nga Bailly.

Richarlison ra menjëherë në tokë dhe dukej sikur e kishte humbur vetëdijen, ndërkohë që intervenoi stafi mjekësor dhe më pas u bart drejt zhveshtores.

Në ndërkohë, Fernandes është krahasuar me Harry Kane për veprimin e tij, pasi pikërisht lëvizja e portugezit bëri që braziliani të goditej nga Bailly.

Lexo po ashtu Mesfushori i Unitedit e shtyu në mënyrë të çuditshme Bruno Fernandesin në një incident gjatë ndeshjes ndaj Evertonit

Përdoruesit e rrjeteve sociale e kanë kritikuar këtë veprim të yllit të Unitedit duke e krahasuar me shtyrjen e rrezikshme që u bën sulmuesi i Tottenham Hotspur futbollistëve kundërshtarë e që së fundmi ka qenë temë në media sociale.

Nga ana tjetër, Richarlison i ka njoftuar tifozët e Evertonit përmes rrjeteve sociale se është në gjendje të mirë shëndetësore pas asaj goditjeje. /Telegrafi/