Kjo grua e re e shpërqendruar nga telefoni i saj celular ka mbijetuar duke u përplasur nga një mikser çimentoje ndërsa kalonte një rrugë të zënë gjatë një bllokimi trafiku.
Sipas mediave të huaja, përcjell Telegrafi, incidenti u filmua nga një aparat kamerë në rrugën Ivan Sirko në kryeqytetin ukrainas Kiev.
Në pamjet gruaja shihet duke kaluar mes makinave në një bllokim trafiku ndërsa fliste në telefonin e saj.
Ajo papritmas ndalet përpara një kamioni për përzierjen e betonit, ndërsa shoferi, i cili me sa duket nuk mund ta shohë gruan nga pozicioni i tij i ngritur në timon, lëviz përpara në bllokimin e trafikut.
Dhe si pasojë, pjesa e përparme e makinës e rrëzon gruan për tokë dhe ajo me sa duket rrokulliset ndërsa kamioni lëviz ngadalë përpara.
Gruaja e re thuhet se u dërgua në spital me dëmtime të shumta, megjithatë, nuk ka pasur azhurnime të mëtejshme mbi gjendjen e saj ose dëmtimet specifike që ajo pësoi në incident.
Policia lokale postoi pamjet në faqen e tyre në Facebook në 22 maj duke thënë se gruaja nuk duhej të kishte përdorur një telefon celular gjatë kalimit të rrugës pasi ishte shpërqendruar. /Telegrafi/
