Një rrotë është “shkëputur” nga aeroplani i United Airlines menjëherë pas ngritjes në San Francisko dhe shtypi makinat e parkuara poshtë teksa ra në tokë.
Sipas mediave të huaja, përcjell Telegrafi, bëhet fjalë për një aeroplan i cili u largua nga aeroporti i San Franciskos në rrugën e tij për në Osaka në Japoni.
Pas kësaj, aeroplani me 235 pasagjerë dhe 14 anëtarë të ekuipazhit thuhet se u devijua drejt aeroportit të Los Anxhelosit pasi u njoftua për dështimin e mjeteve të uljes në orën 11:35 të së enjtes.
BREAKING: United Airlines Boeing 777 loses tire while taking off from San Francisco, crushing cars on the ground pic.twitter.com/uXpHuFdzul
— BNO News (@BNONews) March 7, 2024
Në këtë incident, disa automjete në parkingun e makinave të punonjësve u dëmtuan rëndë nga rrota që ra, e cila gjithashtu shkatërroi një gardh.
Për fat të mirë, aeroplani u ul i sigurt në LAX rreth orës 13:20 pa asnjë incident të mëtejshëm dhe asnjë lëndim të raportuar në tokë. /Telegrafi/