Princi Harry dhe Meghan Markle ndodhen këto ditë në Holandë për Lojërat Invictus.
Një video e publikuar së fundmi në Twitter tregon Dukën 37-vjeçar të Sussex-it me shpirt të ngazëllyer, i hipur në një veturë luksoze me gruan e tij Meghan Markle, teksa arrinin së bashku në ceremoninë e hapjes së Lojërave Invictus në Hagë të shtunën.
Duke ngadalësuar Land Rover-in e sigurisë së lartë për të përshëndetur një grumbull fansash – Princi u pa duke reaguar me shpejtësi kur gjatë përshëndetjes me shuplakë me një prej fansave, dora e tij përjetoi elektricitet, shkruan DailyMail.
Një fans publikoi videon në Twitter, e cila tregon Princin Harry në timonin e Land Rover-it, i veshur me një bluzë të shkurtër dhe syze dielli.
Çifti, i cili mbërriti në Zuiderpark rreth orës së drekës, dukeshin në humor të mirë ndërsa ngadalësuan automjetin për të folur me ata që ishin mbledhur për t’i përshëndetur.
Pasi uli xhamin e dritares poshtë, Princi Harry u përkul përpara për të folur me një grup të rinjsh që ishin aty pranë për t’i përshëndetur ata.
“Hej djema”, tha ai i gëzuar, përpara se të bërtiste “ahhh” kur një fans e përshëndeti me pesë gishtat e tij, dhe kështu duart e të dyve përjetuan pak drridhje.
Princi nuk dukej i mërzitur nga tronditja e papritur e elektricitetit, ndërsa qeshi dhe shtrëngoi dorën për të larguar ndjenjën, ndërsa Meghan e shikonte, gjithashtu e kënaqur nga ndërveprimi.
Princi Harry vazhdoi të takonte më poshtë pesë fëmijët e tjerë, përpara se të zhvillonte një bisedë të shkurtër përpara ceremonisë së hapjes.
“Përshëndetje, më vjen mirë që ju shoh. A do të ju shoh sonte, në prapaskenë?”, pyeti Princi Harry.
“A po kënaqeni? Shihemi më vonë, mirupafshim”, vazhdoi ai.
Duka i Sussex-it dukej në humor të mirë teksa ktheu vëmendjen në rrugë dhe u largua me shikuesit që xhironin në telefonat e tyre dhe bërtisnin ‘mirupafshim’.
De hele week op pad bij de Invictus Games met helden van het #Vteam. Aanrader voor iedereen om even te komen kijken 🥳
Ook hier is de stem van de jeugd onmisbaar 🙏🏽#Harry #Meghan #IG2022@InvictusGamesNL @vfondsvrede @Defensie pic.twitter.com/OEUXLaur0c
— Tako Rietveld (@TakoRietveld) April 16, 2022
Harry themeloi Lojërat vjetore Invictus në vitin 2014 për të ndihmuar rehabilitimin e veteranëve të lënduar dhe u prezantua me Meghanin për herë të parë si çift në këto lojëra në vitin 2017, kur aso kohe u mbajtën në Yorino.
Lojërat Invictus shënojnë herën e parë kur Harry dhe Meghan Markle u rikthyen në Evropë që pas dy vitesh, që nga koha kur ata vendosën të largoheshin nga familja mbretërore. /Telegrafi/
