Sulmuesi brazilian, Neymar Jr ka humbur një super-rast në ndeshjen e Barcelonës ndaj Real Madridit.
Barcelona dhe Real Madridi kanë luajtur mes vete në turneun para-sezonal në USA, në kuadër të International Champions Cup.
Kjo ishte ‘El Clasico’ e parë në këtë sezon, e cila në fund i takoi skuadrës Blaugrana me rezultat 3-2.
Golat në këtë takim u shënuan nga Lionel Messi, Ivan Rakitic dhe Gerard Piqu për katalanasit, ndërsa për Mbretërit shënuan Mateo Kovacic dhe Marco Asensio.
Megjithatë, ndeshja pati shumë raste të mira pasi luhej hapur, ku një të tillë shumë të mirë e pati i shumëpërfoluri këtë verë, Neymar.
Pas një asistimi perfekt nga ana e Lionel Messit, ylli brazilian doli i vetëm përball portierit, të cilin e shmangi mirë me një driblim, por nuk arriti të shënoj në golin e zbrazët dhe ky rast shkoi në pa-kthim.
Vlen të theksohet se braziliani nuk humb raste të tilla, por ky i fundit ishte shumë interesant nga ana e tij, duke u bërë ‘hit’ në rrjetet sociale si huqje e madhe. /Telegrafi/