Ndeshja e parë e Zinedine Zidanes pas rikthimit në krye të skuadrës së Real Madridit është ajo ndaj Celta Vigos në La Liga.
Francezi është një nga personat më të dashur nga tifozët e Los Blancos, këtë e tregon edhe momenti kur spikeri i klubit thërret emrin e tij në Santiago Bernabeu minuta para ndeshjes.
Reagimi i tyre tregon se ata janë të lumtur me rikthimin e Zizus dhe se shpresojnë se gjerat do të bëhen më mirë.
🎥 Ovación del Santiago Bernabéu cuando se anunció el nombre de Zinedine Zidane por megafonía #LaLigaSantander pic.twitter.com/a52kONjItm
— EFE Deportes (@EFEdeportes) March 16, 2019
Aktualisht Reali është në pozitën e tretë në La Liga me 51 pikë, pesë më pak se Atletico Madridi dhe 12-të se Barcelona.
Vlen të theksohet se në ndeshjen ndaj Celtas trajneri francez ka kthyer në formacion Keylor Navasin, Marcelon dhe Iscon.
Nuk duhet harruar se Reali u eliminua nga 1/8 e finales e Ligës së Kampionëve pas humbjes në Bernabeu nga Ajaxi dhe kjo ishte arsyeja kryesore e shkarkimit të Santiago Solarit. /Telegrafi/
