Adama Traore është duke kaluar nëpër një formë shumë të mirë këtë edicion në Ligën Premier.
Sulmuesi spanjoll me Wolverhamptonin është duke bërë një sezon fantastik, por ai më shumë njihet edhe për fizikun e tij të jashtëzakonshëm.
I njohur ndryshe si ‘Hulku i ri’, Traore ka qenë i pamëshirshëm për Cityn, pasi në ndeshjen e parë shënoi dy gola për fitoren e Wolves 0-2, ndërsa sonte shënoi golin e parë dhe asistoi në të dytin për fitoren e skuadrës së tij 3-2.
‘Bisha i Ligës Premier’, ka treguar se është mjaftë i fuqishëm edhe në duele dhe këtë më së miri tani e tutje e din mbrojtësi i majtë i Cityt, Benjamin Mendy.
Ishte minuta e 82-të e ndeshjes kur Traore shfrytëzoi fizikun e tij duke ia rrëmbyer topin francezit të cilin e hodhi jashtë vijës fundore dhe asistoi për Jimenez për të shënuar golin e barazimit 2-2, para se Doherty të shënonte golin e rikthimit spektakolar.
Ky duel mes Traores dhe Mendyt është bërë viral në rrjetet sociale, pasi spanjolli po lavdërohet si për fizikun e tij, në këtë rast edhe për mençurinë.
23-vjeçari këtë edicion i ka shënuar katër gola me fanellën e Wolves në Ligën Premier, ku tre nga ta i ka të shënuar vetëm në portën e kampionit në dy përballje. /Telegrafi/
Traores duket se i pëlqen të luajë ndaj Cityt, këtë e tregojnë golat e tij në ndeshjet e fundit:
Adama Traoré is the strongest player in PL this season, unbelievable 🤯💪🏻
— RCBWS (@RCWBS) December 27, 2019