Edicioni i tretë i Big Brother VIP Kosova ka nisur me plot zhurmë e debate brenda shtëpisë.
Ndonëse ishte vetëm Prime i dytë, pati shumë momente interesante në shtëpinë më të famshme në Kosovë.
Në një moment, moderatori Alaudin Hamiti ka qenë i ashpër me aktorin e humorit Rezart Veleshnjën.
Ai u bë nervoz pasi banori gjatë gjithë kohës qëndronte në këmbë dhe nuk ulej në vendin e tij.
“Rezart çka po sillesh si karcyll herë lartë herë poshtë. Gjatë Prime-t duhet të jesh ulur o Rezart. Hajde ulu, nuk je kamarier i gjithë atyre. Ulu te vendi”, u shpreh ai.
Alaudini tutje vazhdoi: “Nuk ka kuptim asnjë bisedë që po e bëni në këtë formë. Nuk ju dëgjojmë nëse nuk pushoni. Rezart ulu në vend. Është rregull. Aty e ke vendin është disrespekt për produksionin dhe gjithë shikuesit që presin me ju pa dhe ti qëndron në këmbë. Ulu në kolltuk. Rri me një vend. Duro”.
Nata e mbrëmshme ka nisur menjëherë me nominime, ku shkuan gjithsej shtatë banorë.
Vullneti, Gresa, Rezarti, Aria, Besforti, Mevlani dhe Xheneta – janë konkurrentët e parë të nominuar për edicionin e ri. /Telegrafi/