Një video rrëqethëse që po qarkullon në mediat sociale, shfaq momentin kur një grup burrash apo më mirë thënë 15 kalimtarë rasti, ngritin në ajër një veturë të tipit Mercedes për ta nxjerrë një djalosh shtatëvjeçar që kishte ngecur nën të.
Pas një aksident trafiku që kishte ndodhur, një djalë i ri kishte përfunduar nën rrotat e një veture, dhe duke parë se po i rrezikohej jeta, kalimtarët e rastit bashkojnë forcat dhe kështu ngritin në ajër veturën për ta nxjerrë djalin, transmeton Telegrafi.
Vetura e tipit Mercedes A-Class që peshon mbi dy tonë, nuk kishte përbërë ndonjë problem për njerëzit e mirë që mblodhën forcë për ta shpëtuar djaloshin.
Sipas The Sun” ky djalë ishte viktimë e një aksidenti të tmerrshëm që kishte ndodhur në qytetin anglez Lejçester, ndërsa në momentin që është shpëtuar atë e kanë dërguar me urgjencë në spital.
Dhe sipas informata të fundit, ai vazhdon të jetë në gjendje kritike, por jashtë rrezikut për jetë. /Telegrafi/
https://www.youtube.com/watch?v=glCJaJJbYpw