Këto ditë do të mbahet edhe ajo që besohet se është dasma e fundit VIP e këtij viti. Është martesa e vokalistit NRG band, Besnik Qaka, ajo që ka tërhequr vëmendjen e medieve.
Nuk kanë munguar as imazhet nga festa e beqarisë, ku ka shkëlqyer me bukurinë e saj bukuroshja nga Peja.
Ajo zgjodhi të dukej tejet elegante në mbrëmjen e veçantë të saj, me flokë të punuar nga Nagipi. Fustani i saj ishte elegant, teksa momentet emocionale nuk janë fshehur.
Bukuroshja, e cila e ka Instagramin privat dhe pa qasje për publikun ka publikuar një imazh emocionues me nënën dhe motrën.
“Përgjithmonë e bekuar, nëna dhe motra”, ka potencuar Lolita në foton e postuar në rrjetin social Instagram.
Besnik Qaka dhe Lolita njihen prej kohësh. Ata gjatë kësaj vere u fejuan pasi ka kohë që ishin në lidhje.
Tash duket se ata kanë vendosur edhe të martohen, me dasmën e cila është caktuar për datën 30 shtator në hotel Dukagjini në Pejë, në një ceremoni që pritet të jetë plot luks dhe me shumë të ftuar.
Ftesat janë publikuar dhe në mesin e të ftuarve janë yjet më të mëdha të shoubizit. Vet NRG band pritet që të jenë vetëm në cilësinë e mysafirëve dhe ende nuk dihet se kush do të performojë në këtë mbrëmje e cila pritet të ketë vëmendje të madhe të medieve kosovare. /Telegrafi/