LeBron James ka arritur një rekord të jashtëzakonshëm në karrierën e tij.
Superylli i Cleveland Cavaliers ka treguar edhe një herë anën e tij të jashtëzkonshme kur në fund të fraksionit të parë arriti të thyejë rekordin e tij.
Nga gjysmë distanca ai u pozicionua para Danny Green, një prej mbrojtësve më të mirë në perimetër për t’u ngritur në një gjuajtje e cila do të ishte historike për të.
LeBron arriti të thyejë rekordin pikërisht në këtë moment, teksa Cavs po avansonin pas çerekut të parë.
Me të përfunduar çereku i parë LeBron u drejtua kah bashkëlojtarët të cilët e përgëzuan për arritjen.
I pari ishte Dwyane Wade ai që e mori në përqafim shokun e ngushtë me të cilin kaloi pjesën më të madhe të karrierës, për të vazhduar me bashkëlojtarët tjerë si ish MVP, Derrick Rose që ishte i pranishëm në stol.
LeBron James është bërë lojtari i shtatë me 30 mijë pikë të realizuara në histori të NBA, kurse është bërë lojtari i parë që ka së paku 30 mijë pikë, shtatë mijë asistime dhe shtatë mijë rebounda.
/Telegrafi/
