Momenti i arritjes së Tyson Furyt në Manchester Arena

Pas afro tre vitesh jashtë ringut, Tyson Fury sonte do t’i kthehet profesionit të tij, në tentim për t’u rikthyer në majat e boksit botëror.

Boksieri britanik duhet t’i zhvillojë disa meçe, para se të fitojë të drejtën për t’i sfiduar kampionët, Anthony Joshua dhe Deontay Wilder, për titujt që ata i posedojnë.

Dhe si kundërshtarin e parë në rrugëtimin e tij rikthyes, 29-vjeçari e ka zgjedhur boksierin shqiptar, Sefer Seferi.

Lexo po ashtu Të gjitha lajmet për meçin FURY vs SEFERI

Shqiptari 39-vjeçar zakonisht bën gara në kategorinë e mesme, ndërsa në kategorinë e peshave të rënda e ka zhvilluar vetëm një duel që njëherësh është edhe humbja e vetme në karrierën e tij.

Sidoqoftë, ai ka guxuar t’i dalë përballë ish-kampionit të unifikuar dhe do të përpiqet t’i shkaktojë telashe kur të dalin në ring.

Në ndërkohë, Fury ka mbështetjen e madhe të tifozëve britanikë të boksit, të cilët e kanë pritur me entuziazëm rikthimin e tij.

Në momentin e arritjes në Manchester Arena, Tyson është dukur i disponuar dhe ka shkuar t’i përshëndesë disa fansa që ishin mbledhur për ta parë nga afër. /Telegrafi/