Mediat në Shqipëri kanë publikuar pamjet e para pas shpërthimit të tritolit në makinën tip ‘Volkswagen’, ku humbi jetën Aleksandër Sadikaj.
Në pamje shihet teksa i riu ndihmohet nga kalimtarë të rastit, ndërsa është i gjakosur e me gjymtyrë të këputur si pasojë e shpërthimit të fortë, shkruan Top Channel.
Disa persona i afrohen të riut, për ta ndihmuar, ndërsa e kanë transportuar atë me urgjencë drejt spitalit të Traumës ku mbërriti pa shenja jete.
Mediumi shqiptar kujton se 27-vjeçari Aleksandër Sadikaj humbi jetën mesditën e kësaj të shtune si pasojë e një atentati në autostradën Sauk-TEG.
Po sipas këtij mediumi, persona ende të paidentifikuar, kishin vendosur një sasi lënde plasëse, në pjesën e përparme të makinës me të cilën i riu po udhëtonte i vetëm. Dyshohet se shpërthimi të jetë telekomanduar në distancë.
