Konferenca për shtyp e Tyson Furyt dhe Sefer Seferit është shoqëruar edhe me momente komike, pasi është ndërprerë nga një person i njohur si ‘Wealdstone Raider’, i cili i kërkoi përballje fillimisht britanikut dhe pastaj shqiptarit.
Dy boksierët do të përballen të shtunën mbrëma (9 qershor) në Manchester Arena, ndërsa siç është e zakonshme, të mërkurën kanë dalë për të dhënë deklaratat e tyre para gazetarëve.
DO YOU WANT SOME TYSON?!?
Wealdstone Raider interrupts press conference and calls out @Tyson_Fury!! 😲😲😲@DoYouWantSome_ pic.twitter.com/IPWl2Bx3Dj
— Frank Warren (@frankwarren_tv) June 6, 2018
Fury dukej shumë i disponuar në këtë konferencë, ndërsa gjërat u bënë akoma më interesante kur personazhi i njohur si ‘Wealdstone Raider’ (emri i të cilit është Gordon Hill) e ndërpreu konferencë për t’i kërkuar duel fillimisht britanikut.
“A dëshiron të rrehesh? Ta jap unë. Mendon se mund të përballesh me mua?”, ishin fjalët e tij drejtuar Furyt, i cili ia ktheu: “Padyshim që jo” dhe bëri me shenjë kah Seferi duke i thënë: “Rrihe atë në vend timin”.
The Wealdstone Raider has just turned up and confronted Tyson Fury. What the hell is going on. #Boxing pic.twitter.com/bQHcegeU40
— Sheldan Keay (@SheldanKeay) June 6, 2018
‘Raider’ pastaj u kthye kah Seferi, i cili u çua në këmbë dhe i tha: “Hajde”, ndërsa e gjitha përfundoi si një shaka e pëlqyeshme.
‘Wealdstone Raider’ apo Gordon Hill u bë i famshëm para pesë vitesh kur një video, në të cilën shfaqej duke i tallur tifozët kundërshtarë në një ndeshje të Wealdstone FC, u bë hit në internet.
Ndërsa Fury dhe Seferi ia dhanë një tjetër mundësi që të rikthejë famën në rrjetet sociale. /Telegrafi/
