Ministria e Punëve të Jashtme të Moldavisë njoftoi në Twitter: “Moldavia dënon fuqishëm kërcënimet e përfaqësuesit rus në pjesën e okupuar të Ukrainës për të sulmuar urën midis Moldavisë dhe Rumanisë. Kjo nuk është e pranueshme.”
Moldavia, një ish-republikë sovjetike me 2.6 milionë banorë që kufizohet me Ukrainën dhe Rumaninë, i është dashur të përballet me një numër të madh refugjatësh, inflacion në rritje, ndërprerje të energjisë elektrike dhe paqëndrueshmëri në rajonin separatist të Transnistrisë, i cili kontrollohet nga separatistët rusë, që nga fillimi i pushtimi rus i Ukrainës, transmeton Telegrafi.
Vitin e kaluar, Rusia mohoi se donte të ndërhynte në Moldavi, pasi autoritetet në Transnistria thanë se kishin qenë objektiv i një sërë sulmesh, shkruan The Guardian.
Që nga fillimi i luftës në Ukrainë, Moldavia vazhdimisht ka paralajmëruar, se Rusia mund të synojë të krijojë trazira në këtë vend.
Madje për këtë edhe zyrtarët më të lartë të shtetit kanë bërë thirrje për vëmendje, dhe të punohet ngushtë me aleatët që të parandalohet ndikimi rus. /Telegrafi/