Mohamed Elneny i është nënshtruar ndërhyrjes kirurgjike për të korrigjuar një lëndim të pësuar në stërvitje – thuhet në një komunikatë për shtyp të Arsenalit.
Në njoftim bëhet e ditur se mungesa e mesfushorit egjiptian do të jetë afatgjate, megjithëse nuk është përcaktuar kohëzgjatja e saktë.
“Pas një lëndimi të pësuar në një stërvitje të fundit stërvitore, vlerësimet e mëvonshme kanë konfirmuar se Mohamed Elneny ka një dëmtim të dukshëm në gjurin e tij të djathtë”.
We're all with you, Mo ❤️
— Arsenal (@Arsenal) January 31, 2023
“Mo ka pasur një operacion të suksesshëm në Londër dhe do të mungojë për një periudhë të gjatë kohore. Një afat kohor më i detajuar do të përcaktohet pasi të kenë përfunduar fazat e hershme të rehabilitimit”.
“Të gjithë në klub do t’i ofrojnë Mo-it të gjithë mbështetjen që i nevojitet dhe do të punojnë shumë me të, në mënyrë që të kthehet në aksion sa më shpejt të jetë e mundur”, thuhet në njoftimin zyrtar të Arsenalit. /Telegrafi/