Kapiteni kroat dhe ylli i Real Madridit, Luka Modric ishte i ftuar në “Onda Cero” ku foli për shumë tema ndërsa zbuloi se si e kishte prezantuar Mateo Kovacicin te presidenti Florentino Perez.
Gjersa Modric po shërohet prej lëndimit, Kovacic po bën punën e zëvendësimit.
Këtë sezon, Kovacic regjistroi gjashtë paraqitje në kampionatin spanjoll, dy në Ligën e Kampionëve dhe një tjetër në Copa del Rey dhe Superkupën e UEFA-s, transmeton Telegrafi.
“Mateo luan shumë mirë. E di se është shumë i talentuar. Ai ka potencial dhe duhet të vazhdojë ta bëjë këtë”, ka thënë Modric duke shtuar “Unë i thashë Florentun Perezit se Kovacic mund të kontribuojë në skuadrën madrilene. Ai është ende i ri dhe do të zhvillohet”.
Modric po shërohet nga operacioni në gjuri ndërsa pritet të kthehet në muajin nëntor për derbin me Atletico Madridin. /Telegrafi/