Mohamed Salah ka zbuluar arsyen pse ai i dha votën Vinicius Junior për ta fituar çmimin ‘The Best’.
Si kapiten i kombëtares së Egjiptit, Salah ishte pjesë e atyre personave që votuan për fituesin e çmimit ‘The Best’, që në fund rezultoi me Vinicius si fitues i saj.
Sidoqoftë, gazetarët votuan në favor të mesfushorit Rodri me këtë të fundit që kohë më parë ishte shpallur fitues i Topit të Artë.
Shumë persona e kishin vënë në pikëpyetje fatkin pse Vinicius përfundoi i dytë në garën për Topin e Artë, me brazilianin që ndihmoi Real Madridin ta fitojë La Ligan dhe Ligën e Kampionëve.
Salah ishte në mesin e atyre personave që i ofruan mbështetjen e tyre sulmuesit të Real Madridit.
“Vinicius Junior është një lojtar shumë i mirë, kjo është arsyeja pse. Ai po përmirësohet çdo vit dhe shpresojë se ai mund të vazhdojë kështu. Unë votova për të sepse e meriton”, ka thënë Salah.
Salah përfundoi i pesti në listë për Topin e Artë në dy raste, por mund të konsiderohet një favorit i hershëm për ta fituar këtë çmim prestigjioz në 2025, pasi arriti shifrën e 20 golave të shënuar në tetë sezone radhazi.
Mbetet të shihet se ku do të jetë duke luajtur egjiptiani kur të dhurohet çmimi i Topit të Artë, pasi së fundmi ka pasur zëra që ai mund të largohet nga Liverpooli./Telegrafi/