Mohamed Salah i ka dalë në mbrojtje njërit prej bashkëlojtarëve të tij tek Liverpooli pas kritikave të shumta që ka marrë në rrjetet sociale.
Salah dhe Liverpooli ishte paraparë që të ndeshen me Evertonin të shtunën, por ndeshja ishte shtyrë për shkak të shqetësimeve për sigurinë shkaku i një stuhie.
Ndonëse momentalisht janë lider të tabelës, kjo nuk i ka ndalur tifozët e Liverpoolit që të kritikojnë disa prej lojtarëve të ekipit.
Dhe Salah e ardhmja e të cilit tek Liverpooli është ende e pasigurt, ka dalë në mbrojtje të fortë për Darwin Nunez, i cili ishte kritikuar ashpër së fundmi nga tifozët.
🎙️مين اكثر لاعب بتحب اللعب بجانبه؟
🗣️ الاسطورة محمد صلاح:
“في الماضي كان فيرمينو، حاليًا نونيز”
لن ننقل باقي الكلام مراعاة لشعور نونيز😂 pic.twitter.com/6siMiunc55
— عالم صلاح (@SalahWorld11) December 7, 2024
“Më pëlqen që të luajë me Nunez. Shumë njerëz nuk e duan atë, por mua më pëlqen të luajë me të”.
“Ai është një lojtar me aftësi të ndryshme, jo shumë njerëz e kuptojnë se çfarë mund të bëjë ai”, ka thënë Salah.
Nunez nuk ka qenë titullar i rregullt këtë sezon, teksa së fundmi ai u aktivizua nga minuta e parë në barazimin 3-3 ndaj Newcastle United.
Më herët gjatë këtij sezoni, edhe trajneri Arne Slot i kishte dalë në mbrojtje sulmuesit uruguaian i cili ka shënuar 11 gola në 36 ndeshje sezonin e kaluar në Ligën Premier./Telegrafi/