Sot ishte njëvjetori i vdekjes së aktorit të madh, Adem Mikullovci.
Edhe në këtë ditë u përkujtua vepra dhe jeta e aktorit të njohur, ishin koleget, miqtë e familjarët që e kujtuan përvjetorin e vdekjes së tij.
Ministria e Kulturës, Rinisë dhe Sportit, kanë kujtuar aktorin, përmes një postimi në Facebook, për kontributin e dhënë për artin dhe popullin e Kosovës.
Tutje në postim u tha se veprimtaria e Adem Mikullovcit do të mbetet e pavdekshme.
Kujtojmë që Adem Mikullovci ndërroi jetë më 15 shtator të vitit 2020 dhe la pas vetes një krijimtari të gjerë artistike, ndërsa ishte i angazhuar edhe si deputet në Kuvendin e Kosovës.
Postimi i plotë i MKRS-së:
1 vit pa Adem Mikullovcin
Sot u bënë një vit që shoqërisë tonë i mungon një prej figurave më të veçanta të artit dhe kulturës.
Adem Mikullovci ishte një person me plot pozitivitet dhe këtë energji e përcolli tek të gjithë deri në fund të jetës së tij.
Kontributi që ka dhënë për artin dhe popullin e Kosovës do të mbetet gjithmonë në kujtesën tonë dhe të brezave pas nesh.
Në karrierën e tij luajti në shumë shfaqje dhe ishte regjisorë i shumë filmave.
Ndër filmat më të fuqishëm për nga përmbajtja dhe tema që trajtonte, është filmi ‘Një pallto për babain tim në burg’, i realizuar nën regjinë e Mikullovcit. Ky film, më mirë se çdo gjë tjetër, shpalos tmerrin që shqiptarët përjetuan nga regjimi serb. Filmi është realizuar në vitet e 90′ në mënyrë të fshehur.
Përmes filmave, dramave, serialeve ai ka hedhur dritë dhe ka treguar revoltën e kundërshtimin për ngjarje të shumta në shoqërinë tonë.
Këtë e bëri edhe më vonë me angazhimin e tij politik.
Veprimtaria e Adem Mikullovcit do të mbetet e pavdekshme, ndërsa do ta kujtojmë gjithmonë me shumë mall. /Telegrafi/
