Mjeku që është bërë kryetemë në mediat britanike pas deklaratave për doping për lojtarët e Arsenalit, Chelseat dhe Leicester Cityt, ka thënë se këto njoftime nuk janë të vërteta.
The Sunday Times ka publikuar një raport ku thuhej se Dr. Mark Bonar i ka ndihmuar për të marrë doping rreth 150 sportistë britanikë duke përfshirë edhe futbollistët e klubeve të përmendura nga Liga Premier dhe skuadrës nga Championship, Birmingham City.
Pas reagimit të klubeve të përfshira, është bërë e ditur se Bonar madje nuk ka as licencë për ta praktikuar mjekësinë në Mbretërinë e Bashkuar.
Derisa pritet të zhvillohet një hetim i pavarur rreth këtij rasti, mjeku i ka mohuar në Twitter shkrimet e gazetës.
“Raportimet e The Sunday Times janë të rreme dhe mashtruese. Nuk kam pasur lidhje me asnjë klub apo lojtar nga Liga Premier”.
“Nuk kam ordinuar asnjëherë terapinë androgjene për qëllim të rritjes së performancës. Unë i trajtoj njerëzit simptomatikë me nivele të ulëta”, ka sqaruar Dr. Bonar. /Telegrafi/
The @SundayTimesNews allegations are false and very misleading. I have never had a relationship with any premier football club or player.
— Dr Mark S. Bonar (@ZenGrifter) April 3, 2016
I have never prescribed Androgen therapy for the purpose of performance enhancement.. I treat symptomatic men with low Test levels
— Dr Mark S. Bonar (@ZenGrifter) April 3, 2016