Roberto Rossi, doktori që kreu operacionin në menisk të Paul Pogbas, thotë se terapia konservatore ‘përkeqësoi situatën’ dhe parashikon një kohë rikuperimi prej tetë javësh.
Reprezentuesi francez fillimisht kishte vendosur të mos i nënshtrohej një operacioni për të zgjidhur një lezion në meniskun anësor në gjurin e tij të djathtë.
Megjithatë, ai kishte zgjedhur terapinë konservative, e cila nuk funksionoi. Pogba u stërvit dy herë në fushë gjatë javës së kaluar, por tregoi zhvillime të paqëndrueshme, kështu që ai iu nënshtrua një operacioni të hënën.
Ai pritej të qëndronte jashtë fushës për pesë javë, por procesi i rikuperimit do të nisë nga e para.
“Lezioni në meniskun anësor ishte i ndërlikuar sepse indi ishte i fragmentuar dhe dëmtimi i meniskut ishte përkeqësuar dhe kur lojtari u përpoq ta detyronte duke vrapuar në fushë”, deklaroi Rossi, mjeku që kreu operacionin, për Tuttosport.
“Terapia konservative nuk funksionoi, përkundrazi lëndimi u përkeqësua. Kur ndërhymë, nuk kishte kushte për të përfunduar një qepje të thyer të meniskut. Ishte e mundur të ndërhyhej vetëm me menisektomi”.
Rossi tha se Pogba nuk do të kthehet në stërvitje me pjesën tjetër të shokëve të tij të skuadrës për të paktën “tetë javë”.
Reprezentuesi francez tha dje se “operacioni shkoi mirë, do të shërohem dhe do të kthehem shumë, shumë shpejt”.
Juventusi dukej i mërzitur me vendimin e Pogbas për të shtyrë operacionin, duke humbur një muaj rikuperim të mundshëm. Si Max Allegri ashtu edhe Maurizio Arrivabene kanë pohuar se pjesëmarrja e Pogbas në Kupën e Botës me Francën nuk është problemi i tyre dhe janë të fokusuar vetëm në rikthimin e tij në fushë për Juventusin.
Francezi, i cili u kthye në Torino në një transferim të lirë nga Manchester United në verë, nuk do të luajë ndeshjen e tij të parë konkurruese me gjigantët e Serie A para janarit 2023. /Telegrafi/
#Juve, il professor Rossi: “#Pogba, l’hai aggravata” ⬇️ https://t.co/vEI2Dad5EP
— Tuttosport (@tuttosport) September 7, 2022