E plotësuar: Kryeministri i Malit të Zi, Dushko Markoviq i cili pritet të jetë për një vizitë zyrtare sot në Kosovë ende nuk është nisur për shkak të kushteve atmosferike, saktësisht për shkak të mjegullës në Aeroportin e Prishtinës.
Vizita e kryeministrit të Malit të Zi, Dushko Markoviq është shtyrë për dy orë për shkak të kushteve atmosferike, të cilat po mbretërojnë në vendin tonë.
Unidon Krasniqi, zyrtar për informim në Aeroportin Ndërkombëtar të Prishtinës tha për Telegrafin se gjatë ditës janë të planifikuara 12 fluturime në arritje dhe 12 në nisje. Nga këto deri më tani janë realizuar dy fluturimet e para në nisje, ndërkaq është anuluar fluturimi i Turkish Airlines për shkak të kohës me mjegull.
Sipas tij, fluturimet e tjera që priten të arrijnë janë nisur me vonesë për shkak të mjegullës në ANP.
Mjegulla vonon nisjen e kryeministrit malazez për në Kosovë
E plotësuar: Kryeministri i Malit të Zi, Dushko Markoviq i cili pritet të jetë për një vizitë zyrtare sot në Kosovë ende nuk është nisur për shkak të kushteve atmosferike, saktësisht për shkak të mjegullës në Aeroportin Ndërkombëtar të Prishtinës.
Drejtoresha e Zyrës për informim e Qeverisë së Kosovës, Donjeta Gashi tha për Telegrafin se kryeministri Dushko Markoviq ende nuk është nisur nga Podgorica, pasi po presin dritën jeshile të Aeroportit të Prishtinës për tu nisur për shkak të mjegullës.
Ajo tha se Prishtina zyrtare është gati për pritjen e delegacionit malazez dhe se janë në koordinim me palën malazeze gjatë gjithë kohës. /Telegrafi/