Artisti i ri Mentor Mazreku, ka prezantuar për publikun këngën e tij të re me klip.
“Mjaft në heshtje” titullohet kënga e tij e re, e cila është e zhanrit baladë.
Muzika dhe teksti janë realizuar nga vet artisti Mazreku, gjersa për orkestrimin është kujdesur Hysni Klinaku.
Kënga është vizualizuar edhe me klip, i cili sjell një atmosferë freskie që i përshtatet shumë ritmit që ka kënga.
Ana vizuale i është besuar produksionit Redina, ndërsa regjisor i klipit është Edon Shallci.
Mentor Mazreku është një emër i ri i skenës, i cili ka të mbaruar studimet master në Akademinë e Arteve, ndërsa pretendon të ndërtojë një karrierë të suksesshme muzikore në tregun muzikor shqiptar. /Telegrafi/
